Оваа вкусна магија сè уште не сте ја пробале!
Ќе се согласите дека ниту еден ручек не е целосен додека не изедете нешто „со лажица“, а сезоната на вкусни домати е идеална за да направите вкусна и кремаста супа за себе и вашето семејство.
Оваа супа од домати е ароматична и полна со вкус, а најдобро од сè е тоа што многу брзо се подготвува.
Зачините, зеленчукот и доматите, како главни состојки на оваа супа, одлично ќе се вклопат.
Состојки:
– 500 гр свежи домати
– главица кромид
– 4 чешниња лук
– 1 лажица брашно
– сол, бибер
– 1 лажичка шеќер
– 1 лажичка мелена пиперка
– магдонос, масло, зачини по вкус
– 4 парчиња тост-леб
– босилек за декорација
Подготовка:
Доматот исецкајте го и накратко ставете го во зовриена вода. Потоа ставете го во ладна вода и излупете го, па исечете го на коцки.
Кромидот и лукот исчистете ги и ситно исецкајте ги.
Во тавата ставете малку масло и кога ќе се загрее, прво ставете го кромидот да се динста, а потоа додадете лажица брашно, доматите и шеќерот.
Мешајте додека се се соедини.
Доматите прелијте ги со вода да ги покрие, намалете ја топлината и оставете ги да се динстаат додека не омекнат. Потоа додадете ги зачините.
Додека се готви супата, препечениот леб исецкајте го на коцки, па зачинете го по вкус и ставете го во рерна на 180 степени неколку минути.
Послужете ја супата топла, украсете ја со босилек и ставете малку крцкава презла.